اين حق المواطن....هل ققط نعاقب ولا يعاقبون ..؟؟؟

السلام عليكم ورحمة الله وبركاته


كتبت الموضوع بعد ما واجهت هالمشكله 3 مرات ،،


الا وهي العماله الوافده ،،


نسعي الي مكتب العمل ،، نطلب تاشيرة خادمه او سائق ،،


تكلفني 4000 ريال ،، وبعض التاشيرات تصل الي مبلغ 10 الاف ريال ،،

الان حصلت علي التاشيره مبرووك ،،


تذهب الي مكتب الاستقدام بكم الاستقدام وتلف علي المكاتب كي تجد افضل سعر يناسبك ،،


بعدها اقل سعر 4000 ريال ،،


مبروك انتهينها من الاستقدام


شهر او شهرين او ثلاث شهور يجيك المرض تنتظر العامل

يرن جوال ،، الو السلام عليكم وصلت شغالتكم ،، وصل سواقكم ،، مبروك

تنقز وتجيب السواق ،، او الخادمه

مبسوط انت عاد ،،


وتصكه اول راتب


ولا مرتاحين
ما عندك بزوره غير 3 اطفال

وانت وزوجتك


شوي شهر
شهرين
3 اشهر

السواق انحاش
الشغاله هربت


مصيبه روح بلغ

تبلغ

وتقول الله يعوضني خير ،،


وترجع تستقدم وترجع للحوسه بس اسرع هالمره عرفت كل شي يعني ابو اسبوع سويتها تسويها بـ 3 ايام


وتدفع مره ثانيه 8000 ريال


نسيت اقولكم تكاليف الاقامه بعد مدري كم تكلف بس حدود 1500 ريال


والمصيبه ،، بعد هروبهم ،، يقولك نظام لو شغلت واحد ماهو تحت كفالتك ،، غرامه 20 الف ريال


يا جماعة الخير ،، النظام علي عيني وعلي راسي ،، لكن وين حقي ،، انا دافع 10000 ريال

وين حقوق الناس ،،


عندي جاري مشغل سواق

كم راتبه 1500 ريال يعني دبل راتب الي علي الكفاله
قلت كثيره ما تشوفها ،،


قال احسن ما استقدم بعشره الاف ،، وراتبه 800 ريال
احسبها انت
حسبتها كلامه صحيح


افضل واحسن واسرع ،،،


لكن ليس أمان ،،

فحسب وظيفة الوالد ،، محقق شرطة ،، يراء الجرائم ،،

فينصح بعدم الاخ بالعماله الاجنبيه المخالفه ،، فكثير ما تحصل جرائم القتل والسرقه من قبلهم ،،

وبصراحه انا اراء نظام غرامه 20 الف في مكانها ،، لكن لو طبقت بشكل صارم وابعدت الواسطه ،،


فصدقوني لا جاري بيخاطر يوظف سائق هارب من كفيله ،،

ولا العامل راح يهرب لانه عارف انه محد راح يوظفه ،،


تحياتي لكم ،،،، كتبت من شي ضايقني ،، لاننا لدينا 3 سواقين هربو خلال سنـه ،،


تحياتي لكم ،،