اليوم الوطنى

بمناسبة اليوم الوطني أحب أقدم التبريكات بمناسبة االيوم الوطني

للملك الغالي أب الجميع .. صقر العروبة

وأبو خالد ولي العهد الأمين

وأن يحفظهم الله ذخرا للوطن

وأن أجدد ولائي وإنتمائي لهذا الوطن الغالي

كما أحب أن أسجل تبريكات للشعب السعودي

شعب أبو متعب عريبين الإيمان .. طلقين المحيا ،

وتبريك خاص لأعضائنا ..

..

روائع الشعراء:
يقول الأمير خالد الفيصل:
لاح يوم الوطن والعز لاح وكلمة الله على البيرق تلوح
يوم الاسلام يا يوم الفلاح والوطن كل روح له تروح
فوق الايمان ركبنا السلاح والمقابيل بالخافق تبوح
الله اكبر مثل ضرب الرماح سيلت في خفى الباغي جروح

وفي رائعة أخرى يقول:
البست شعري غترة وبشت وعقال وخليت تغريب المذاهب لغيري
في ساحتي للفكر مليون منهال وبحري بمكنوز المعرفة غزيري

* وهذا مهندس الكلمة الامير بدر بن عبد المحسن في احدى قصائده يقول للوطن:
عزنا الاسلام هو غاية فخرنا فيه سر وجودنا ونموت دونه
أرضنا ارض الذهب وانقى المذاهب والرجال اللي عهدهم يحفظونه

* ومن قصيدة أخرى يقول:
«صرخة» ذكرتك يوم واليوم مو عود لجل الوفا لراعيك موفي الوعايد
كني بوقت راح حاضر وموجود في يوم عشاة المجد.. عله هايد
وكن «المربع» توه اليوم مشيود جدران طين اطمام سقفه جرايد
قصر بنى للعدل والطيب والجود سوره ذرا للناس وفرشه وسايد

* كذلك من قصيدة أخرى يقول:
الله الاول وعزك يا الوطن ثاني لأهل الجزيرة سلام وللملك طاعه
حنا جنود الحرس للقايد الباني رمحه.. ودرعه وكف الشيخ وذراعه
مثل السيوف البواتر وان جنى الجاني يضرب بها ارقاب من بالدار طماعه
من بان عبد العزيز وصبحنا باني ما عاد نقبل ضلام الليل لوساعه
في السلم يشهد لنا عمر الاوطاني وفي الحرب لارواحنا للموات بياعه

* ومن رائعة أخرى يقول الامير بدر بن عبد المحسن:
أرفع الراس يا الحر القطام واكثر الحمد.. للي صانها
انت فالمجد لك راس السنام وعزة الناس من اوطانها
انت الاول اللي سل الحسام وقالوا الخيل من فرسانها
الفخر لك ولا تسمع كلام لا يهمك حكي عدوانها
ديرتك من عشقها ما يلام ويغضب الله على من خانها

* ومن قصيدة للأمير محمد الاحمد السديري:
ياللي لكم في منبر المجد محراب نلتوه من عقب الكدر والمصايب
نلتوا رفيع المجد بسيوف وحراب وعدوانكم شافوا كثير الغلايب
بحزم ولطم فيه تقطيع الارقاب وعزم جلاميد الصخر منه ذايب
وحرب مرير فيه تقتيل الاشناب يقلب شعر راس الولد منه شايب
يشهد لهم بالطيب من وسط الاصلاب والحي واللي حد رعوج النصايب
صفوة هل العوجا مهدين الاصعاب تارد حياض الموت ورد الجلايب

* ويقول الامير سعود بن بندر بن محمد رحمه الله:
مشتاق لك يا كل ما في بلادي شوق الرياض للسيل وادي حنيفه
رغم الفراق وطول وقت البعادي حبك يزيد ولهفتي لك عنيفه
ولهان لك وله الحضر والبوادي لخضرة ربيع ضاحك الوجه ريفه
عطشان اشوفك مثل كل وادي ثراه ضامي للحيا عقب حيفه
يا نجد لك منزل بداخل فؤادي يشبه جبال طويق هاك المنيفه
يا ليت والله ديرتي في مرادي او ليت قلبي دايم يطيع كيفه

اللهم آحفظ لبلادنا .. أمنها وأدم عزها

منقول

اقتباس :

يقول الأمير خالد الفيصل:
لاح يوم الوطن والعز لاح وكلمة الله على البيرق تلوح
يوم الاسلام يا يوم الفلاح والوطن كل روح له تروح
فوق الايمان ركبنا السلاح والمقابيل بالخافق تبوح
الله اكبر مثل ضرب الرماح سيلت في خفى الباغي جروح

وفي رائعة أخرى يقول:
البست شعري غترة وبشت وعقال وخليت تغريب المذاهب لغيري
في ساحتي للفكر مليون منهال وبحري بمكنوز المعرفة غزيري

* وهذا مهندس الكلمة الامير بدر بن عبد المحسن في احدى قصائده يقول للوطن:
عزنا الاسلام هو غاية فخرنا فيه سر وجودنا ونموت دونه
أرضنا ارض الذهب وانقى المذاهب والرجال اللي عهدهم يحفظونه

* ومن قصيدة أخرى يقول:
«صرخة» ذكرتك يوم واليوم مو عود لجل الوفا لراعيك موفي الوعايد
كني بوقت راح حاضر وموجود في يوم عشاة المجد.. عله هايد
وكن «المربع» توه اليوم مشيود جدران طين اطمام سقفه جرايد
قصر بنى للعدل والطيب والجود سوره ذرا للناس وفرشه وسايد

اشكرك سيدتي

ملاك

على موضوعك الرائع

اهنئ الشعب السعودي باحلا يوم وهو يومنا الوطني

يارب تحفظ لنا اولياء امورنا وتحفظ لنا وطنا الغالي

اشكرك سيدتي

ملاك

على موضوعك الروووعه والغالي على قلوبنا جميعااا

تقبلي مروري المتواضع امام بوووحك الرائع بجماله
وجمال كاتبته

ملك احساسي

يسلموا ملكـ ع مروركـ الرائع

دمت بخير